Follow by Email

Oct 27, 2013

Q

இந்த உலகில்  எதற்குத்தான் Queue இல்லை?

பத்துமாதம் அம்மா வயிற்றில் காத்திருந்து வெளியில் வந்தால், கடைசி வரை  மனிதன் ஏதாவது ஒரு விஷயத்துக்கு காத்துக்கொண்டேதான் இருக்கவேண்டியுள்ளது. ரேஷனா, லைசென்சா, பாஸ்போர்ட்டா, ட்ரெயின்டிக்கட்டா,ஏர்போர்ட் செக்-இன்னா,வாக்களிக்கணுமா, ஆதார்கார்டா, தியேட்டரா,காலேஜ் அட்மிஷனா,கக்கூஸா....இப்படி எல்லாத்துக்கும் க்யூ கடைசி வரைக்கும் க்யூ. ச்சே !
காத்திருத்தல் . சிலருக்கு சுகம். பலருக்கு சுமை.
எனக்கு எப்பவுமே இது சுமைதான்.நானும் இன்று ஒரு க்யூவில்தான் நின்று கொண்டிருக்கிறேன். எனக்கு முன்னால் க்யூவில் பல பேர் இருக்கிறார்கள். இந்தியாவின் அத்தனை மக்கள் தொகையும் நான் நிற்கும் வரிசையில் எனக்கு முன்னால்  வருவது ஏன் என்று நான் பலமுறை நினைப்பதுண்டு. என் கால்கள் இரண்டும்  ஏற்கனவே என்னை கேள்வி கேட்க ஆரம்பித்துவிட்டன.எப்படா உக்காருவே ?
க்யூவில் எதைப்பற்றியும் கவலை படாமல் மக்கள் ஆனந்தமாக பேசிக்கொண்டிருக்கிறார்கள். இவர்கள் க்யூவை ரசிப்பவர்கள்.இவர்கள் வாழ்க்கை எப்போதும் சந்தோஷமாக இருக்கும். என்னால் இயலாது. ஆத்தாடி  ...எத்தனை பேச்சு ? என்ன உற்சாகம்?
நான் பொதுவாகவே அமைதி விரும்பி. அதுவும் வெளியில் வந்து விட்டால் நான் ஒரு மன்மோகன்சிங் . பேசுவது இல்லை. எனவே,வாயை மூடிக்கொண்டு வரிசையில் அமைதியாக போய்க்கொண்டிருகிறேன். ஆனாலும்,பாழாய்ப்போன என் காது?
க்யூ இப்போது நாலடி நகர்ந்துள்ளது.
 “இந்தவாட்டி மோடிதான் சார் . அத்வானி பாவம்யா .அந்தாள் வரணும்னு நினைக்கிறான்.ஆனா முடியல.மோடி ஒரே அமுக்கு அமுக்கிட்டார் பாத்தீங்களா ?எல்லாம் பாலிடிக்ஸ்
 
க்யூ நகரவில்லை. அரசியலில் ‘பாலிடிக்ஸ்’ செய்யாமல் நியூக்கிளியர் பிசிக்ஸா செய்யமுடியும் ? #சிந்தனை
“என்னத்த அமுக்கினார் ? இந்தவாட்டி ஹங் பார்லிமன்ட்தான் ஒய் ! மன்மோகன் வர்றது கொஞ்சம் கஷ்டம்தான்  
 
க்யூ ஏன் மன்மோகன் சிங் மாதிரி சலனமற்று இருக்கிறது ? #சிந்தனை
அதெல்லாம் இல்ல சார் .அவனவன் வெறுத்து போய் இருக்கான் .திருச்சில கூட்டம் அள்ளுச்சி பாத்தீங்கள்ள...நீங்க வேணா எழுதி வெச்சுக்கங்க ... டேம் ஷூர் இந்த வாட்டி ...”
 
க்யூ மோடி புண்ணியத்தில் இப்போதுதான் உயிர் பெற்று நகர ஆரம்பித்துள்ளது.
“ஜீவிதா  அவங்க அப்பாவுக்கு  எப்பவும் மோர் கொழம்புதான் பிடிக்கும்”
“எங்க வீட்டில எப்பவும் ரசம்தான்
 
எங்க வீட்டில விசம்தான்... கொஞ்சம் பேசாமல் இருப்பீர்களா?
“டீ ...பத்மா திரும்பி அவங்க வீட்டுக்கு போய்ட்டாளாமா ?? பாவம்..அவ புருஷன் பொல்லாதவனாண்டி..நின்னா குத்தம் உக்காந்தா குத்தம்னு பாடா படுத்தறானாம்”
இவளுக்கும் கொஞ்சம் வாய் ஜாஸ்தி.பதிலுக்கு பதில் பேசியிருப்பா...இல்லேன்னா இவ்ளோ பெரிய சண்டை வந்திருக்காது .கொஞ்சம் அனுசரிச்சு  போகணும்டி “
 
இந்த க்யூ பத்மா மாதிரி அனுசரிச்சு போக மறுக்கிறதே..
“என்ன மாமா ..ஆபீஸ் லீவா? கொடுத்து வெச்சவன்டா..நெனச்சா லீவு போடறே “
“ஆமாம்..உனக்கென்ன தெரியும் நாளைக்கு போனா எல்லா வேலையும் என் தலையில்தான் விழும்.
 
உன் வேலை உன் தலையில் விழாமல் நெல்சன் மண்டேலா தலையிலா விழும்? ரொம்ப நேரம் ‘க்யூ’வில் நின்றால் ‘ஐக்யூ’ கம்மி ஆகுமோ ? #சிந்தனை
“இந்த புடவை எங்க எடுத்தது?”
 
பக்கத்து வீட்டு கொடியில ...கொஞ்சம் வாயை மூடுகிறீர்களா?
“சென்னை சில்க்...போச்சம்பள்ளி ..நல்லா இருக்கா ?”
நாங்க இன்னும் தீபாவளிக்கு துணி எடுக்கல...மாம்பலத்தில எங்க போனாலும் கும்பல்தான் “
 
க்யூ வேகமாக நகர்ந்து ,இப்போது தீபாவளி புடவை வியாபாரம் போல் சூடு பிடிக்கிறது சந்தோசம். மாம்பலம் கும்பல் என்றால் மாமண்டூரில் புடவை எடுங்களேன்?
“டேய் ,விஜய் டிவில நயன்தாரா பேட்டி பாத்தியா ?
நல்லா பேசுராடா..போல்டானா பொண்ணு “
நடுவுல படமே இல்ல...இப்ப திரும்பி சக்க போடு போடுவாங்க போல இருக்கு” 
 
க்யூவில் கால் கடுக்க நிற்கும்போதும் நயன்தாராவை மறக்காத மறத்தமிழன் இவன்.
“நல்லாத்தான் போய்ட்டு இருந்துது BHEL கம்பனி ...இப்போ ஆர்டர் இல்ல. நான் ஷேர் வாங்கும்போது முன்னூறு ரூபா சார்...இன்னிக்கு நூறுல போறான்”
“கேபிடல் செக்டார் வேணாம் சார் . இன்போசிஸ்’ல போடுங்கசார் ...IT Field’ல நல்ல ரிடர்ன் இருக்கும்”
எலெக்ஷன் வரைக்கும் சென்செக்ஸ் நகராது சார் “
 
எனக்கு IT Field–ம் வேண்டாம்.. Paddy Field-ம் வேண்டாம். சென்செக்ஸ் நகராவிட்டால் பரவாயில்லை.க்யூ இப்போது மெதுவாக  நகர்கிறது. இது போதும் எனக்கு.
பேச்சு மட்டும் ஓயவே இல்லை.
 
 “கடைசி ஓவருக்கு முன் ஓவர்  அடிச்சான் பாரு அந்த ஆஸ்ட்ரேலியா க்காரன் ..ஆறு பால்’ல முப்பது ரன்... இனிமே இஷாந்த் ஷர்மாவ  டீம்ல சேத்துருக்கவே கூடாது  . பாலா போடுறான்? 
 
“நல்ல படம் ..ஆனா ,க்ளைமேக்ஸ் சொதப்பிட்டான்பா “
 
க்யூ கூட இப்போது க்ளைமேக்சுக்கு  வந்து விட்டது.
 
“இங்க ஹோட்டல் எதுவும் நல்லா இருக்காது. உடனே கெளம்பிடலாம்”
க்யூ இப்போது முடிவுக்கு  வந்து விட்டது.
இதோ, என் டர்ன்.
ஒ மை காட் !!  
கூரையை பிய்த்தது சத்தம்.
“ஏடு கொண்டலவாடா வேங்கட்ட ரமணா ...கோயிந்தா கோயிந்தா ...
ஜரகண்டி !!! ஜரகண்டி !!!

Sep 29, 2013

எம்பித்ரி

இசை என் மூச்சு.

பள்ளி நாட்கள் தொட்டு எனக்கு சாவித்திரி ,காயத்ரி போன்றவர்களைவிட எம்பித்ரி மிகவும் பிடித்திருந்தது. என் வாழ்வின் ஜீவாதாரம், இரண்டாம் தாரம் எல்லாம் இந்த எம்பித்ரி. இசை !

இசையை பொறுத்த வரையில்  நான் வடிவேலு மாதிரி. ரொம்ப நல்லவன். எவ்வளவு போட்டாலும் கேட்பேன்.என்ன போட்டாலும் கேட்பேன். இளையராஜா, யானி, கென்னிஜி, பால்மரியாட், கலித், ரகுமான், இமான், கிப்ரன் ,எம்.ஜெயச்சந்திரன் மலையாளம்,கர்நாடிக், கஜல், ஆப்ரிக்கன்,வெஸ்டர்ன் இன்ஸ்ட்ருமெண்டல்...இன்னும் என்ன? சுருக்கமாக, நான் ஒரு இன்ஸ்ட்ரு”மெண்டல்” என்று வைத்துக்கொள்ளுங்களேன்!

தினமும் கடைக்கு போய் புதிதாக சிடி வாங்கி கேட்பது என்னால் ஆகாத காரியம். அப்படியே போனாலும்,அங்கெ கொட்டிக்கிடக்கும் நர்சரி ரைம்ஸ் மற்றும் எண்ணற்ற பக்தி mp3 சிடிக்களின்  நடுவே எனக்கு பிடித்த இசையை தேடுவது என்பது இயலாத ஒன்று. மேலும், என் போன்ற ‘உலக இசை’ விரும்பிகள்  தேடும் இசை கடைவீதிகளில்  கிடைக்கவும் வாய்ப்பில்லை.கிடைக்கும் சில சிடிக்கள் ‘ஒருமாத மளிகை சாமான்’ விலை போட்டிருக்கும். மருந்துக்கு ஓரிரண்டு சிடிக்களை நான் கடைகளில் வாங்கினாலும் ,பெரும்பாலும்  நான் இசைக்கு நம்புவது  இணையம் ஒன்றே.

இணையத்தில் இதுவரை யாரும் என்னளவுக்கு mp3 டவுன்லோட் செய்திருக்கிறீர்களா ? இருக்காது. இத்துறையில் பல வருட அனுபவம் உள்ள எனக்கு M.A.MP3 என்று பட்டம் கூட போட்டுக்கொள்ள முழு தகுதி உண்டு. நான் டவுன்லோட் செய்த பிராட்பேன்ட் பைசாவில் இந்நேரம் ECR-ரில் 2BHK அபார்ட்மென்ட் ஒன்றே வாங்கி இருக்கலாம்.

எம்பித்ரி டவுன்லோட் செய்வது ஒரு கலை. நான் படித்த இந்த முதுகலை படிப்பு நாட்டுமக்களுக்கும் பயனாக , இதோ என் அனுபவங்கள் ...மற்றும் ...அனுபவத்தால் தரும் அறிவுரைகள்.

ஒரு தேர்ந்த எம்பித்ரியனுக்கு (இனி , எம்பித்ரியன் = ‘MP3 download செய்பவன்’) முதலில் தேவை பொறுமை.

முதலில், Download “Helmut Zacharias“ mp3 (ஜெர்மனி,வயலின்) என்று கூகிளில் அடித்ததும்.பைல் ட்யூப்,எம்பித்ரி ஜூஸ் ,எம்பித்ரி ஸ்கல் என்று ஆயிரம் லிங்குகள் வந்து விழும்.

கபர்தார் .

பெரும்பாலும் முதல் பக்கத்தில் உள்ளவை ஒபனிங் எல்லாம் சரியாக இருந்தாலும் ,பினிஷிங் சரியாய் இராது .பெரும்பாலும் இவை துட்டு  கேட்கும் பக்கங்கள். அமேசான்.காம்  போன்ற ஆத்மாக்கள் டாலரில் பேசுவார்கள் .ஜஸ்ட் பதினாறு  டாலர் என்பான். நாம், ரகுராம்ராஜனை நெஞ்சில் வணங்கி அறுபது முதல் எழுவது வரை உத்தேசமாக  பெருக்கி பார்த்து அதிர்ச்சி அடைய நேரிடலாம். உத்தேசமாக பதினாறு டாலர் சிடி என்பது ஒரு ஆயிரம் ரூபாய்.பதினாறு டாலர் என்னால் முடியாது. அய்யா... என்னிடம் உள்ளது திருப்பதி ‘ஏடுகொண்டலவாடா’ டாலர் மட்டுமே. எனக்கு கட்டாது. எனவே , நேராக நான் இரண்டாம் பக்கம் போகிறேன்.

இங்கே ,லிங்குகளை கிளிக்கினால்  You are only few clicks away from download” என்று சொல்பவன் கடைசியில் உங்கள் கோத்ரம், நட்சத்திரம், மச்சம், கிரெடிட்கார்ட் நம்பர்  எல்லாமே கேட்பான். இவனை ஆரம்பத்திலேயே தவிர்ப்பது நன்று. நேர விரயம்.

MP3 டவுன்லோட் என்பது  சற்றே அபாயகரமானது . வைரஸ் பரப்பும் வலைதளங்கள் இங்கு நிறைய உண்டு. குறிப்பாக   .pk என்று முடியும் பாகிஸ்தான் நாட்டு வலைதளத்தை கிளிக்கினால் உங்கள் கம்ப்யூட்டர் pk. ..அதாவது, ‘பூட்டகேஸ்’ என்று அர்த்தம். வேண்டாம் !

இத்துறை வல்லுனர்களுக்கு மட்டுமே  தெரியும், ‘எது எங்கே பாதுகாப்பாக கிடைக்கும்’ என்று.

”உனக்கு தமிழ் பாட்டு வேண்டுமா? இங்கே போய்ப்பார். மலையாளமா(பாட்டுதான் சார்)அங்கே போ ... இன்ஸ்ருமெண்டலா கர்னாடிக்கா  வெஸ்டர்னா, உலக இசைக்கு  ..இங்கே போய் கிளிக்கு ” .’பாய்ஸ் ’ படத்தில் செந்தில் சொல்வது மாதிரி ‘Information is wealth’! நல்ல நம்பகமான வலைத்தளங்களை கண்டுபிடித்தவுடன் ரக வாரியாக புக் மார்க் செய்வது ஒரு தேர்ந்த ‘எம்பித்ரீயன்’ படிக்கும் பாலபாடம்.

சில வலை தளங்கள் பாடலை இறக்கும் முன், ‘நீ மனிதனா மிருகமா’ என்று அறிய கீழே உள்ள நம்பரை டைப் செய் என்று பணிக்கும். செய்யலாம். உங்களுக்கு அந்த  சந்தேகம் இல்லாவிடினும் , நீங்கள் நம்பரை அடித்தால்தான் ஆச்சு.

நீ ‘ப்ரீயா ...துட்டு பார்ட்டியா’ என்று கேட்பவை சில. எனக்கு வெகு நாட்களாக சந்தேகம். ப்ரீமியம், ப்ரீ என்று இரண்டு ஆப்ஷனில் எந்த கூமுட்டை ப்ரீமியத்தில் போய் இருபது டாலர் பணம் கட்டுவான் ? நான் வைத்திருப்பதோ இந்த மொக்கை பிராட்பேண்ட். இதில் எதுக்குடா faster download எனக்கு ?? சரக்கு, மினரல் வாட்டர் , இட்லி முதற்கொண்டு எல்லாமே மலிவாய் கிடைக்கும், பொன் விளையும் பூமியில் பிறந்தவன் நான். எனக்கு ப்ரீ போதும் . என்ன ஒரு சிக்கல் ? ப்ரீ டவுன்லோடிற்க்கு ‘இருபது செகண்ட் ’ காத்திருக்க சொல்லுவான். எம்பித்ரி கேட்பவன் இன்சாட்-1B ஒன்றும் ஏவப்போவதில்லை . காத்திருக்கிறேன். I am waiting.

புதிதாக MP3 தொழில் துவங்குபவர்கள் முன்பின் தெரியாத லிங்குகளை க்ளிக்கும்போது அதிர்ச்சி அடைய வாய்ப்புண்டு.சில லிங்குகள் க்ளிக்கியவுடன்,உங்களுக்கு மறுகல்யணத்தில் ஆர்வம் உண்டா என்றெல்லாம் விசாரிக்காது உங்களை  “ பாரத் மேட்ரிமோனியல் அல்லது ஷாதி டாட். காம்கூட்டிக்கொண்டு போகும். ! சில வலைதளங்கள் க்ளிக்கியபின் எம்பித்ரி –க்கு பதில் எம்ப்டி’யாகவும் இருக்கும். டொமைன் பார் சேல் அல்லது பைல் நாட் அவைலபல் அல்லது  ‘மாமா பிஸ்கோத்து’ என்று பல் இளிக்கும். மனம் தளரவேண்டாம்.

முக்கியமாக,சில  எம்பித்ரி பக்கங்களில் “கங்க்ராட்ஸ்” என்று உங்களை பாராட்டி ஒரு ஸ்மைலியுடன் பாப்-அப்பைஅன்புடன் அனுப்புவார் ஒரு புண்ணியவான்  . “யு  ஹேவ் வோன் டென் மில்லியன் டாலர்  லக்கி ப்ரைஸ்”... அவ்வ்வ்வ்...யார் கிட்ட ??? நீங்கள் க்ளோஸ் என்ற X -சை என்ன அமுக்கினாலும் க்ளோஸ் ஆகாது அந்த விண்டோ. நீங்கள் இந்த  விபரீதத்தை என்ன செய்வது என்று பேந்தபேந்த முழித்துக்கொண்டிருக்கும்போது , அந்த கங்க்ராட்ஸ் லாட்டரி விண்டோ உங்கள்  ஸ்க்ரீனில் நர்த்தனம் ஆடத்துவங்கும் .கீழிருந்து மேலும் வலமிருந்து இடமும் பாயும் அந்த லாட்டரி விண்டோவை  நீங்கள் துரத்தி துரத்தி சென்று க்ளோஸ் செய்வதற்குள் தாவு தீர்ந்துவிடும். இந்த லாட்டரி வெப்சைட்டுகளை தவிர்ப்பது நன்று..

அப்புறம் , முக்கியமாக எம்பித்ரி டவுன்லோட் செய்யும்போது வீட்டில் யாரும் பின்னால் உள்ளனரா என்று ஒருமுறை  பார்த்துக்கொள்வது உசிதம். இப்படிதான் ஒருமுறை...நான் ஒரு லிங்கை க்ளிக்கியபோது “சமீரா இஸ் வெய்ட்டிங் பார் யு” என்று ஒரு அம்மணி ‘டூ பீஸில்’ திடீரென்று ஸ்க்ரீனில் வந்து ‘பப்பறப்பே’ என்று நிற்கிறாள் ! டூ யு வான சேட் வித் மீ?? எனக்கு பொறி கலங்கி போனது. இன்னும் சிலதுகள், டூ யு வான்ட் ரெலேஷன்ஷிப் வித் ஜூலி ? என்று மெல்ல ஸ்க்ரீன் கீழே வந்து நோட்டம் விடும். என்ன மாதிரி ரிலேஷன்?’  என்றெல்லாம் ஜொள்’ளாமல் உடனே விண்டோவை க்ளோஸ் செய்வது உசிதம். வண்ண மயமான மீன்கள் துள்ளி விளையாடும் “ப்ரீ ஸ்க்ரீன் சேவர்” பாப்பப்புகள் நிறைய உண்டு. இது வெறும் பாப்பப் அல்ல. உங்கள் கம்ப்யூட்டருக்கு வைக்கும் பாப் ‘ஆப்பு’ . இதற்கெல்லாம் ஆசைப்படக்கூடாது பாலகுமாரா !

அப்புறம், இணையத்தில் ,டோர்ரன்ட் என்றொரு கும்பல் உண்டு. இது தாலிபான் ரகம். சற்றே ஜாக்கிரதையாக இருக்க வேண்டும். Seeders, Peers, Trackers என இதற்கென்று ஒரு அகராதியே உண்டு. இதை ஒரு ‘Full-Time கோர்ஸாக’ திறந்தவெளி பல்கலைகழகத்தில் படித்து முடிக்க ஒரு மாதகாலம் ஆகலாம். இது ஒரு தேர்ந்த எம்பித்ரியன் போகும் கடைசி நிலை. முதுகலை மாணவர்களுக்கானது. முன்பின் தெரியாத ‘mp3 பள்ளி சிறுவர்கள்’ டோர்ரென்ட் பக்கம் போக ஆசைப்பட்டால் உங்கள் கம்பூட்டரை  இஷ்ட தெய்வத்திற்கு நேர்ந்து விட்டப்புறம் போவது நல்லது.ஆனால், ரிஸ்க் vs ரிவார்ட் ரேஷியோ இங்கு பொருந்தும். கிடைப்பதற்கு அரிய  பல சிறந்த ‘வேர்ல்ட் பெஸ்ட்’ மியூசிக் ஆல்பங்கள் இங்கு லட்டு மாதிரி கிடைக்கும்.

சரி...

ஆயிரம் சொல்லுங்கள் ...இந்த இன்டர்நெட் ஒரு பெரிய புரட்சிதான். ரஜினி  பாட்டுக்கு ஜப்பானில் ஆடுகிறார்கள். ரகுமான் பாட்டை அமெரிக்கன் பாடுகிறான் . கும்பகோணம் கோவாலு ஆப்ரிக்கா,அரேபிக்,வெஸ்டர்ன்  மியூசிக்கெல்லாம்  கேட்கிறான். இசையை பொருத்தவரைக்கும் எல்லா எல்லைகளும் உடைந்து போய் உலகம் ஒன்றானது இண்டர்நெட்டால்தான்..

வாழ்க இணையம்!

எல்லாம் சரி....

பைரசி தப்பில்லையா ?

‘நாலு பேர் பாட்டு கேக்கறான்னா எதுவுமே தப்பு இல்லை’  

Allowance is made for "fair use". அப்படின்னு சில உத்தம வெப்சைட்’டுகள் தவறை நியாயப்படுத்தும் தமாஷான டிஸ்க்ளைமர் இதோ ...

Copyright Disclaimer Under Section 107 of the Copyright Act 1976. All the songs at Xyz.Com are for listening purposes only. Making duplicate Audio CD's from MP3 files is illegal. Allowance is made for "fair use". Therefore please kindly support us by buying original version of Audio CD's from your local retailer.

நல்லா இருக்குய்யா... நீ அழகா Zip file பண்ணி Download MP3 அப்படின்னு போட்டப்புறம் , கடைக்கு போய் நானூறு ஐநூறு  கொடுத்து ஒரிஜினல் சிடி எதுக்கய்யா வாங்கப்போறோம்? வாங்கி  கையில வெச்சிண்டு மகாவிஷ்ணு மாதிரி சுத்திகிட்டு நிக்கவா ???

அவ்வவ்வ்வ்....

 “Your File is Downloading.....”

I am ... Waiting.

 

 

 

 

Jun 9, 2013

குண்டு


குண்டாக இருப்பவர்கள் நல்லவர்கள். சந்தோஷமாக இருப்பவர்கள் .
நான் கொஞ்சம் குண்டுதான் .ஆனால் ,சந்தோஷம்??
இல்லை .
என்னை இந்த சமுதாயம் ஏன் சந்தோஷமாக இருக்க விடவில்லை ?
எத்தனை எகத்தாளம்? எத்தனை அட்வைஸ் ? என்ன நமுட்டு சிரிப்பு ?
இதோ...தினசரி ,என்னை சீண்டும் சமூகமும், அதன் பின்னர்  எனக்குள் எழும் (உள்மனக்குரலும்)....

கற்பனை அல்ல.. நிஜம் சுவாமி.
படித்துவிட்டு, நீங்களும் சிரியும் !

உறவினர்: என்ன... ஒரு சுத்து பெருத்துட்டா மாதிரி இருக்கு?
(நீங்க  கூட கறுத்துட்டா மாதிரி இருக்கு L...மூஞ்சிய பாரு ! போவியாம் ...)

நண்பர்: வெயிட் எவ்ளோ சார்?
(ஏன்...என் வெயிட் தெரிஞ்சு என்ன ஜெனரல் நாலட்ஜ் வளத்துக்க போறியா?...போய்யா)

டாக்டர் : கொஞ்சம் வெயிட் கம்மி பண்ணுங்க.. காலைல வாக்கிங் போங்க.
(நீங்க மட்டும் என்னவாம் ?பப்ளிமாஸ் மாதிரி  இருந்துகிட்டு...நீங்களும் காத்தால வாங்க.. பழகலாம்)

துணிக்கடை: 4XL டீ –ஷர்ட்’லாம் எங்க கடையில இல்ல சார்...
 (WHY? WHY?  ஏன் இல்ல??  ‘நவ்த்தால்’ பூட்டு இருக்கா??  கடைய பூட்டிட்டு போ!நாங்க என்ன துணி வாங்கியாடா, டீ ஷர்ட் தெச்சிக்கறது?நல்ல கடை!)

மாம்பலம் பிளாட்பாரம்: பெர்முடா’வா ??...உங்களுக்கா ?
(பின்ன என்ன? உனக்கு தீபாவளிக்கு வாங்கிக்கொடுக்கவாடா நான் வந்திருக்கேன்?)

செருப்பு கடையில்: இதுதான் ‘மேக்ஸிமம்’ சைஸ் சார் ! உங்க கால் கொஞ்சம் விட்த்’ சார். போட போட சரியாய்டும் .
(எது? என் கால் விட்த்’தா?? போயும் போயும் ,உன் கடையில் வாங்க வந்தேனே,என்னை....வேணாம் ....வேற கடைக்கு போய் வாங்கி அடிச்சிக்கறேன்)

மனைவி : இனிமே, ராத்திரில கஞ்சி குடிங்க .
(தோசைக்கு முன்னாலயா ,பின்னாலயா??..வெவ்வே ...இந்த பஜன எல்லாம் இங்க வேணாம் ..போய் அடுப்ப மூட்டு)

கசின்:வெயிட் போட்டுட்ட’டா...ஆபீஸ்ல உக்காந்தே இருப்பியா ?
(பின்ன என்ன, லேப்டாப்’ப  கழுத்தில கட்டிண்டு ஓடிண்டே இருக்க சொல்றியா? வந்துட்டான்.... )

SMS in Mobile : Try Sauna Belt- reduce your belly ....call now.
(இந்த மெசேஜ டெய்லி‘யாடா அனுப்புவ??..மவனே, அந்த பெல்ட்’ட வாங்கி முதல்ல ஒன்ன பொளக்கறேண்டா)

ஞாயிறு -வீட்டுவாசலில் விழுந்து கிடந்த நோட்டிஸ்: Stay fit.... join our Fitness Center today!
(பக்கத்து வீட்ல நோட்டிஸ் போடல??? ...இங்க மட்டும் ஏண்டா போட்ருக்கே?? குறி வெச்சி போடறீங்களா’டா?) 

டெய்லர்: சார் ...அடுத்த முறை பேண்ட் துணி வாங்கும்போது கொஞ்சம் எக்ஸ்ட்ரா வாங்குங்க சார்...
(ஏன்டா? சின்னதா ‘ப்ரோட்டோ டைப்’ செஞ்சு முன்னாடி சாம்பிள் கொடுப்பியா ? வந்துட்டான் ...பெரிய டெய்லர் !)

இன்னும் பலர்...

என்னை  பார்த்து ,பின்  வண்டியை நிறுத்த யோசித்த ‘ஷேர் ஆட்டோ’க்காரன்  .(இரண்டு டிக்கட் போடலாமே?)
ட்ரெயினில் என்னை பார்த்தவுடன் ,எங்கே நகர சொல்லிவிடுவானோ என்று ,காலை அகட்டி உட்கார்ந்து கொள்ளும் ஓர சீட் கண்ணியவான்கள் .
கல்யாண பந்தியில் ,என்னை  பார்த்தும், பார்க்காததுபோல, பயந்து போகும் பரிமாறும் ஆட்கள் .(காய் ,கூட்டு காலியாடுமா ?)
என்ன சமுதாயம் இது ?

‘தனி ஒரு குண்டனுக்கு நிம்மதி இல்லையெனில் இந்த ஜகத்தை அழித்திடுவோம்’ என்று பாட ஒரு பாரதி இல்லையே? அட்லீஸ்ட், ஒரு விஜய டி ராஜேந்தர் ?
போதும் சார் !

நான் நிறைய ஒன்றும் சாப்பிடுவதில்லை. .... ஆனால், நிறைவாக சாப்பிடுகிறேனோ ? தெரியவில்லை. சில நாள் ராத்திரியில் கஞ்சி கூட சாப்பிட்டிருக்கிறேன். சரிப்படவில்லை. ஒரு நாள் , எட்டு மணிக்கு கஞ்சி குடித்து, பின்னர் பத்தரை மணிக்கு மறுபடியும் வயிற்றில் வெஸ்டர்ன் மியூசிக் மாதிரி “ஊ ... ” என்று சத்தம் கேட்டு நான் பயந்துபோய் வயிற்றை தடவ ..... மனைவி திட்டிக்கொண்டே தோசைக்கல்லை போட்டாள். கஞ்சி காவியம் அன்றே இனிதுடன் முடிந்தது.
வாக்கிங் போனால்  மூச்சு முட்டுகிறது. பத்து வருடம் முன்னால் ஒரு சிறிய ஆக்சிடண்டில் உடைந்த இடது கால்.எனவே ,கால் வலி உபாதை வேறு. ‘நடக்கற’ காரியம் இல்லை.
சில நாள் வீட்டுக்கு அருகில் இருக்கும் ஸ்விம்மிங் கூட போனேன். தண்ணியில் ‘அக்கடா’ என்று படுத்துக்கொண்டிருப்பது எத்தனை சுகம்?. ‘எந்த ஒலிம்பிக் மெடல் வாங்க இவர்கள் குறுக்கும் நெடுக்குமாக போய் வருகிறார்கள்? ‘என்று ஸ்விம்மிங் பூலில் அடுத்தவர்களை பார்த்து ஆச்சர்யப்பட்டிருக்கிறேன்.அங்கேயும் ,தண்ணீர் க்ளோரின் வாசனை ஒத்துக்கொள்ளவில்லை .தொடர் தும்மல். ஒரு காரணம் கிடைத்துவிட்டது. விட்டாயிற்று.
டிவியில் வெள்ளைக்காரன்  ஓட்டியதை பார்த்து மயங்கி, நான் வாங்கிய ‘ஆர்பிட்ரக் எலைட்’ என்னும் இயந்திரம், எண்ணி ஐந்து நாட்கள் மட்டுமே ஓடியது . பின்னர், சில நாள் அது என் பனியன் ஜட்டி காயப்போட உதவியது .இப்போது மனைவி தூசு படாமல் இருக்க ,அதன்மேல் ஒரு பெரிய போர்வையே போர்த்தி விட்டாள். அதற்கு மாலை போட்டு,நெத்தியில் ஒத்தை ரூபா வைக்காதது மட்டும்தான் குறை.
சரி விடும்.
அடியே ...நைட் என்ன சமையல் ???

Jun 3, 2013

இண்டியன் ப்ராப்ளம் லீக்


ஜம்பிங் ஜப்பாங்.... ஜம்பிங் ஜப்பாங்.... கிலி கிலியே !
வெல்கம் டு எக்ஸ்ட்ரா இன்னிங்க்ஸ் டி ட்வெண்டி .

ஆஹா ...அற்புதம்’ டா ! சென்னை சூப்பர் கிங்க்ஸ் வெர்சஸ் ராயல் சேலஞ்சர்ஸ்.  நவ்ஜோத் சிங் சித்து ஸ்டுடியோ மே ஆ கயா ஹை ! .
தண்ணி பாட்டில், கால் வைக்க மினி ஸ்டூல் ,ரிமோட் சகிதம் நான் என் ஆஸ்தான ஈஸி சேரில் மைக்கேல் ஹஸ்ஸி’யை எதிர்பார்த்து, ஆவலுடன் அமர்ந்தேன். இன்று “க்ரிஸ்  கெய்ல்” என்ன சாப்பிட்டு இருப்பான்? என்று யோசித்து சற்றே டென்ஷனாக ஆரம்பித்தேன்.
 “ஜப் ச்சாயல் கோ ஹாய் ஜாத்தா ஹை, வொ ஹமாரா பஜாஜ் ஹோத்தா ஹை” ....சித்து என்னமோ ஹிந்தியில் சொல்கிறான் ... எல்லாரும் “வாஹ் வாஹ்” என்று பாராட்டுகிறார்கள்.பின்னர் ஸ்டுடியோ  அழகிகள் ஒரு கெட்ட ஆட்டம் போடுகிறார்கள். நரைச்ச முடி ஜடேஜா, தஞ்சாவூர் பொம்மை மாதிரி  தலை ஆட்டுகிறான். “மேட்ச் அபி குச்சி தேர் மெ ஷுரு ஹோநெவாலா ஹை” என்கிறான் அந்த கோட்டு கோபி. சரி! சென்னை பர்ஸ்ட் பேட்டிங் ! சூப்பர்பு.
என்னதான் டிவியில் ஆயிரம் சூப்பர் சிங்கர் ,மானாட மயிலாட மற்றும்  சீரியல்கள்  வந்தாலும் மேட்ச் பார்ப்பது மாதிரி வருமா?
ரவிசாஸ்திரியும்  வெங்க்சர்க்காரும் வெள்ளை சட்டை போட்டு, ஐந்து நாள் டொக்கு போட்டதையே வெறியாக பார்த்தவன் நான் .இப்படி கலகலப்பாக தோனியும் , கலர்புல்லாக சியர் லீடரும் ஆடுவதை பார்க்க, கேட்கவா வேணும்?  வெல்லம்!
“கொஞ்சம் விஜய் டிவி போடுங்க !” பின்னாலிருந்து வந்த அந்த அசரீரியை நான் காதில் விழாத மாதிரி உதாசீனம் செய்தேன்.
மனைவி !
“எப்பப்பாத்தாலும் என்ன கிரிக்கட்டோ ? ரிமோட் எங்கே?” என்ற அவள் கேள்வி,என் சந்தோஷம் முடிவுக்கு வந்ததை  உறுதி செய்தது .
“சென்னை சூப்பர் கிங்க்ஸ்’மா ....ஸ்ருதிஹாசன்’லாம் வருவாங்க” என்று சற்று கேவலமாக மார்க்கெட்டிங் கூட செய்து பார்த்தேன் . ம்ஹூம் ...வொர்க் அவுட் ஆகவில்லை.
“எப்பிடித்தான் உக்காந்து இத கண் கொட்டாம  பாக்கரீங்களோ?? மேட்ச்தான் இன்னும் ஆரம்பிக்கல இல்ல..அந்த ரிமோட்டை இப்பிடி கொடுங்க” என்று சீரியலுக்கு மாற்றினாள்.
சரியாக  மணி எட்டு ஆனதும், பாய்ந்து சென்று  ரிமோட்டை பிடுங்கி ‘செட்மாக்ஸ்’ வைத்தேன். என் சுவர் கடிகாரம் ஸ்லோ ! முதல் ஓவர்  முடிந்து அதற்குள் ‘முரளி விஜய்’ பெவிலியன் திரும்பி இருந்தான். நான் பார்த்திருந்தால்,இது மாதிரி அசம்பாவிதங்கள் நடக்க விட்டிருக்கமாட்டேன். மனைவியை கடிந்துகொண்டு , ரிமோட்டை லுங்கிக்குள் பதுக்கியபடி “இன்னும் மூன்று மணி நேரத்துக்கு டிவி என்து” என்று அக்கிரமம் செய்தேன். முறைத்தபடி எழுந்து போனாள் மனைவி..... அது! அங்கே மைதானத்தில் ஹஸ்ஸி ‘போடு போடு’ என்று போட்டுக்கொண்டிருந்தான். ச்சியர் லீடர்கள் சளைக்காமல் ஆடிக்கொண்டிருந்தார்கள். ஆறு ஓவர் வரை, என் வாழ்க்கை சந்தோஷமாக போய்க்கொண்டிருந்தது.
ஏழாவது ஓவரில் என் பாசக்கார மகள் அருகில் வந்தாள். சம்மர் ஹாலிடேஸ் ... அறுபது நாள் விடுமுறை ! கூட விளையாட, அக்கம் பக்கம் குழந்தைகள் இல்லை ..அவளுக்கு தெரிந்த ஒரே குழந்தை, சற்றே வயதான...பரிதாபமான .... நான் தான் !
“அப்பா ....ட்ரேட் வெளயாடலாமா?? கேரம் வெளயாடலாமா ?”
கத்தியா, துப்பாக்கியா? என்ன சோதனை இது ?
“கண்ணு.. நல்ல மேட்ச்’மா ! அப்பா நாளைக்கு வர்ரேன் வெளையாட...நீ போய் ஸ்டோரி புக் படியேன் ” என்றேன்.
“போப்பா ...நேத்திக்கும் இதேதான் சொன்னே “ 
அவள் அதிகம் negotiate  செய்வது இல்லை. “மேட்ச் பாக்க கூடாது!  என்று சுப்ரீம் கோர்ட் ஜட்ஜ் மாதிரி தீர்ப்பு வழங்கி, பின்னர் ,ஜனாதிபதி மாதிரி, என் கருணை மனுவையும் நிராகரித்தாள். ட்ரேட் கேம் போர்டை  எடுத்துக்கொண்டு பெட்ரூமிற்க்கு என்னை திமிற திமிற, ஒரு குற்றவாளியை போல, தள்ளிக்கொண்டு போனாள்.இது பாகிஸ்தான் மனைவியின் உள்நாட்டு சதி வேலையாக இருக்கக்கூடுமோ என்ற ஐயத்துடன் எட்டிப்பார்த்தால் , ஒன்றுமே தெரியாத மாதிரி, கிச்சனில் அவள் வாணலியில் எதையோ கிண்டிக்கொண்டிருந்தாள்.
“ஹலோ ...கொஞ்சம் ..கொழந்தயோட வெளயாடேன்..
“எனக்கு வேலை இருக்கு..பகல் முழுக்க நான்தானே பாத்துக்கறேன் அவளை ?”
சே ! வேறு வழி இல்லை .... மனைவி வந்து சேனல் மாற்றிவிட்டு, ரிமோட்டுக்கு தற்காலிக ஒவ்னராக தன்னை பிரகடனம்  செய்துகொண்டாள். கிச்சனிலிருந்தபடி, ஆனந்தமாக சீரியல் பார்க்க ஆரம்பித்தாள். சற்றே காதில் புகை விட்டபடி, நானும்  நகர்ந்து போனேன்.
வேறு வழி இன்றி ,பெட்ரூமிற்கு போய்  நானும் குழந்தையுடன்  “ட்ரேட்” ஆட ஆரம்பித்தேன்.ஊர்களை வாங்குவோமாம் .வீடு கட்டுவோமாம்.சரி சரி இந்த அபத்தத்தைத்தானே நாம் சிறுவனாக இருக்கும்போது விளையாடினோம்?ஆனாலும் இந்த வயதில், எனக்கு சற்றே கஷ்டம்தான்! மனம் முழுக்க மேட்சில்!
ஒரு மணி நேரம் போச்சு...மும்பை ,பெங்களூர்,சென்னை என்று ஊர்களை அவள் வாங்கி மகிழ ,எனக்கு மும்பை இந்தியன்ஸ் சென்னை சூப்பர் கிங் என்று ஐபிஎல் டீம்கள் நினைவுக்கு வந்து போனது.  நடுவில் போய் ஸ்கோர் பார்த்து வருவோமா  என்று நைசாக நகர விழைந்தேன்.
“கொஞ்சம் இருமா...அப்பா போய் தண்ணி குடிச்சிட்டு வரேன்”
“ஓகே பா...ஆனா நேரா இங்க திரும்பி வா ..டிவி கிவி போடாதே !”
கிங்கரி!  எனக்கு தண்ணி வேண்டாம்.
தோனி வந்திருப்பானோ? அவள் சாப்பிடும் நேரம் வந்தது . அப்பாடி! 
சாதம் ஊட்டிவிட அம்மா வந்தாச்சு. நைசாக நகர்ந்து ஹாலுக்கு போய் டிவியை போட்டேன்.மேட்ச் முதல் இன்னிங்க்ஸ் முடிந்துவிட்டது .தோனி கெட்ட ஆட்டம் போட்டிருக்கிறான்.நல்ல அடி...மிஸ் செய்துவிட்டோமே ?என்று என்னை நானே நொந்தபடி,மீண்டும் எக்ஸ்ட்ரா இன்னிங்க்ஸ் பார்க்க ஆரம்பித்தேன். .அதே ஜம்பிக் ஜபாங் ...அதே சித்து.  பொறுமை தேவை .ஹா...இதோ எந்தன் “கெய்ல் படவா”!  மேட்ச் ஆரம்பித்து விட்டது.சென்னை போவ்லர்கள் கெய்லை பார்த்து, முருகனையும் முத்துமாரி அம்மனையும் வேண்டிக்கொள்கிறார்கள். ஆனந்தமாக மேட்ச் பார்க்க ஆரம்பித்தேன். முதல் ஆறு ஓவர்கள்  பார்ப்பது கவிதையின் சுகம்.
சரியாக மேட்ச் ஆரம்பித்து, பத்து நிமிடத்தில் மகள் வந்து,பாதியில்  விட்ட பிசினஸ் கேமை நினைவு கூர்ந்தாள்.
என்ன பெரிய டெக்ஸ்டைல் பிசினஸா? ...
“இன்னும் அரை மணி நேரம்’தான் வெளையாட்டு ....அப்புறம் ,சமத்தா தூங்கணும் ..சரியா?
“ஓகே பா....தூங்கறேன் ...நீ கதை சொல்வெல்ல? “என்று கண்ணடித்தாள்.
நாசமா போச்சு ! இன்னிக்கு மேட்ச் கோயிந்தா .
விளையாடி முடித்து பெட் போட்டு,கொசு வலை போட்டு, ,பார்பி கதை சொல்லி ...உஷ்.....அப்பாடா...மகள் தூங்காமல் என்னை பார்த்து இளித்து,இளித்து கடுப்பேத்திக்கொண்டிருந்தாள். மனைவியை ஏன் இன்னும் இந்த பக்கம் காணோம்? என்ற ஐயத்துடனே, மெல்ல மகளை தட்டியபடி தூங்க வைக்க முயன்றேன். அரை மணி நேரம் போச்சு. அப்பாடா ! ஒரு வழியாக மகள் தூங்கிவிட்டாள்.
மேட்ச்?
ஓடு ஓடு ....ஹாலுக்கு ஓடி வந்தால்... அங்கே,
கடைசி ஓவர்... மிகுந்த டென்ஷனுடன், டிவி பார்த்து , நகம் கடித்தபடி,
சென்னை ஜெயிச்சுருவாங்க போல இருக்கு?” என்று சிரித்தாள் மனைவி.

 ---------------------------------------------
பிகு :

சில நாள் கழித்து டிவியில் நான் பார்த்த செய்தி ‘கிலிகிலி’யே அளித்தது. IPL Spot Fixing  ஊழல் விவகாரம்!! பார்த்த அத்தனை பேரையும் பைத்தியக்காரன் ஆக்கிவிட்டு,நேரத்தை வீணாக்கி ...என்ன எழவுக்குடா இத்தனை நாள் இந்த “ஜம்பிக் ஜப்பாங்கு”??.ஞானோதயம் பிறந்தது .இனி ஐபிஎல் பார்க்கக்கூடாது என்று முடிவு செய்துவிட்டேன்.
அடுத்த நாள் ஆபீஸ் போனால் ,நண்பர் ஹரி .... .” ஆமாங் ...சேம்பியன்ஸ் ட்ராபி எப்போ வருது சார்??” என்கிறார்.
பார்க்கலாமா .வேணாமா?  
பார்ப்பேன் .
கிரிக்கெட் சார் !